Am 2. April 2009 heissts Campervan abgeh und am 3. April 2009 gohts dann wiiter nach Neuseeland. Unterdesse haend mer weder en huufe tolli Abentuer gha, d.h. sehr vell doerfe gseh und erlebe. Eusi Route isch wiiter gange a de Ostkueste entlang nach Brisbane, wo mer denn nach NSW in Queensland gsi sind. Im Staat mit de velle Froesch und Krokodil. Nach de Grossstadt Brisbane sind mer wiiter, zum Teil auch Inland, nach Noosa Heads zu Fruende. Fuer e Wuche haet denn dRegion wo mer gsi sind und Fraser Island en Zyklon beherrscht. Doch dSunne isch irgendwann au weder cho und die haend mer jetzt no oft doerfe gniesse bis am Schluss. Ja, zur Ziit isch es echt heiss und es isch immer schoen, wenns mal es kuehls Bier zur Abkuehlung git. In Queensland cha mer eifach nid guet goh bade goh, weil Quallesaison isch. Aber mer nuetzed Ziit fuer anderi Erlebnis und sind in tolle Wildlifezoos gsi, goh Fische und sLand erkunde. Mer sind bis zum Cape Tribulation und Cooktown, snoerdlichste Ort a de Ostkueste wo mer ueberhaupt mit eme 2WD chan befahre, denoch bruchts en 4WD. De Tag am Great Barrier Reef isch natuerlich au es super Erlebnis gsi. En super tolli Fischwelt mit Korallewaelder und Schnorchle. Cairns zum Schluss isch genial, da choend mer no richtig chli plaegere und eus de Buuch vollschloh (uebrigens, Glace isch eifach de Hammer in Australie!).
